.jpg)
Skog, frisk luft og ivrige , små hender.
Å lage granskuddsirup handlar om mykje meir enn å få noko søtt og godt til desserten eller osten. Det handlar om skog og frisk luft, om å bruke ressursar vi har rett utanfor stovedøra og om å ta vare på gamle mattradisjonar. Og så er dette ein veldig kjekk aktivitet å ta med ungane på. Når dei små hendene først kjem i gang med plukkinga, så er dei nesten ustoppelege! Og å få vere med på resten av prosessen kan nesten opplevast som magi; å sjå kor den lysegrøne væska blir trylla om til ein stadig meir raud sirup.
Oppskrift kort fortalt: Kok skudda og sil av. Mål opp væske, og tilset sukker etter mengde væske. Regn 2 deler sukker på 3 deler væske. Detaljer og andre bruksområde på nettet.
